రూ.52 లక్షల ఆస్తి.. రూ.4.85 కోట్లకు విక్రయం!
Bollywood actress Madhuri Dixit has sold a commercial office space in Andheri West, Mumbai, for ₹4.85 crore, generating a substantial return on an investment made nearly 18 years ago.
- ముంబై ఆంధేరీలో ఆఫీస్ స్పేస్ను విక్రయించిన మాధురీ దీక్షిత్
బాలీవుడ్ ప్రముఖ నటి మాధురీ దీక్షిత్ రియల్ ఎస్టేట్ పెట్టుబడుల్లో తన ప్రతిభను చాటుకున్నారు. ముంబైలోని ప్రముఖ వ్యాపార ప్రాంతమైన ఆంధేరీ వెస్ట్లో ఉన్న తన కమర్షియల్ ఆఫీస్ స్పేస్ను ఆమె ఏకంగా రూ. 4.85 కోట్లకు విక్రయించారు.
సుమారు 18 ఏళ్ల క్రితం పెట్టిన పెట్టుబడికి ప్రస్తుతం ఏకంగా 824 శాతం (దాదాపు 9 రెట్లు) లాభం రావడం విశేషం. ముంబై, ఆంధేరీ వెస్ట్, ఓషివారాలోని 'మోర్యా ల్యాండ్మార్క్-II ప్రామిసెస్ కో-ఆపరేటివ్ సొసైటీ లిమిటెడ్' భవనం (4వ అంతస్తు)తో ఈ ప్రాపర్టీ ఉంది.
దీని విస్తీర్ణం 1,594.24 చదరపు అడుగులు కాగా, 'ఫ్రేమ్స్ ప్రొడక్షన్ కంపెనీ ప్రైవేట్ లిమిటెడ్' కొనుగోలు చేసింది. ఈ ఒప్పందం జూన్ 23, 2026న రిజిస్టర్ అయింది. దీనికి స్టాంప్ డ్యూటీ కింద రూ.29.10 లక్షలు చెల్లించారు. ఈ డీల్తో పాటు 3 కార్ పార్కింగ్ స్థలాలు కూడా లభించాయి.
18 ఏళ్ల క్రితం రూ. 52.5 లక్షలే!
గత విక్రయ పత్రాల ప్రకారం, మాధురీ దీక్షిత్ ఈ ఆఫీస్ స్పేస్ను మే 14, 2008న రూ. 52.5 లక్షలకు కొనుగోలు చేశారు. గత కొన్ని దశాబ్దాలుగా ముంబై కమర్షియల్ రియల్ ఎస్టేట్ మార్కెట్లో వచ్చిన విపరీతమైన మార్పులు, డిమాండ్ కారణంతో ఈ ఆస్తి విలువ ప్రస్తుతం రూ. 4.85 కోట్లకు చేరింది.
ఇటీవలి కాలంలో బాలీవుడ్ ప్రముఖులు కేవలం లగ్జరీ ఇళ్లకే పరిమితం కాకుండా, నిలకడైన రాబడి ఇచ్చే కమర్షియల్ (వాణిజ్య) రియల్ ఎస్టేట్ రంగానికి ప్రాధాన్యం ఇస్తున్నారు. హృతిక్ రోషన్, సైఫ్ అలీ ఖాన్, కార్తీక్ ఆర్యన్ వంటి ప్రముఖులు వాణిజ్య స్థలాలను కొనుగోలు చేయడం లేదా లీజుకు ఇవ్వడం ద్వారా వార్షిక ఆదాయాన్ని పొందుతున్నారు.
ఇదే క్రమంలో మాధురీ దీక్షిత్ కూడా ఈ ఏడాది మార్చిలో లోయర్ పరేల్లోని 'వన్ లోధా ప్లేస్'లో 731 చ.అడుగుల ఆఫీస్ స్థలాన్ని ఐదేళ్ల కాలపరిమితికి రూ.2.81 కోట్ల మొత్తానికి లీజుకు తీసుకోవడం గమనార్హం.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
