హైదరాబాద్‌ పశ్చిమ శివార్ల రూపురేఖలను మార్చే మరో కీలక ప్రాజెక్టు వేగం పుంజుకుంది..  

ఏళ్లుగా పెండింగ్‌లో ఉన్న అప్ప జంక్షన్‌-మన్నెగూడ నాలుగు లేన్ల హైవే పనులు ఇప్పుడు వివిధ ప్రాంతాల్లో జోరుగా సాగుతున్నాయి. పర్యావరణ, న్యాయపరమైన అడ్డంకులను అధిగమిస్తూ.. మార్పులు చేసిన అలైన్‌మెంట్‌తో ప్రాజెక్టును ముందుకు తీసుకెళ్తున్నారు. 900 కోట్లకు పైగా వ్యయంతో నిర్మిస్తున్న ఈ హైవే.. పూర్తయితే హైదరాబాద్‌ నుంచి మోయినాబాద్‌, చేవెళ్ల, మన్నెగూడ, వికారాబాద్‌ వైపు ప్రయాణం మరింత సులభం కానుంది.

అప్ప జంక్షన్‌-మన్నెగూడ మధ్య 46.5 కి.మీ. నాలుగు లేన్ల హైవే
రూ.900 కోట్లకు పైగా వ్యయంతో హైవే విస్తరణ పనులు
రెండు లేన్ల రహదారి నాలుగు లేన్ల డివైడెడ్‌ హైవేగా మార్పు

సుమారు100 అడుగుల వెడల్పుతో కొత్త రహదారి నిర్మాణం
మోయినాబాద్‌, చేవెళ్ల వద్ద బైపాస్‌ల నిర్మాణం
హైదరాబాద్‌–చేవెళ్ల-మన్నెగూడ కనెక్టివిటీకి కీలక ప్రాజెక్టు

హైవే పూర్తయితే ట్రాఫిక్‌ రద్దీ, ప్రమాదాల ముప్పు తగ్గే ఆస్కారం
పశ్చిమ హైదరాబాద్‌ రియల్‌ ఎస్టేట్‌పై ప్రభావం చూపే అవకాశం
మన్నెగూడ-వికారాబాద్‌ వైపు ప్రయాణం మరింత సులభం

టీజీపీఏ జంక్ష‌న్ నుంచి మన్నెగూడ వరకు..  ప్రస్తుతం ఉన్న రెండు లేన్ల రహదారి ఇక నాలుగు లేన్ల డివైడెడ్‌ హైవేగా మారనుంది..  సుమారు 46.5 కిలోమీటర్ల మేర చేపడుతున్న ఈ ప్రాజెక్టుకు 928 కోట్ల నుంచి 1,000 కోట్ల వరకు ఖర్చు చేస్తున్నారు. ప్రస్తుత రహదారి పరిమిత వెడల్పు నుంచి.. సుమారు 100 అడుగుల వెడల్పుతో కొత్త రహదారి రూపుదిద్దుకోనుంది. అండర్‌పాస్‌లు, కల్వర్టులు, సర్వీస్‌ రోడ్లు వంటి అనుబంధ నిర్మాణాలు కూడా ఇందులో భాగంగా ఉన్నాయి. 

హైదరాబాద్‌ పశ్చిమ శివార్ల నుంచి మోయినాబాద్‌.. అక్కడి నుంచి చేవెళ్ల.. మన్నెగూడ.. వికారాబాద్‌ వైపు వెళ్లే ప్రయాణికులకు ఈ హైవే కీలకంగా మారనుంది. NH-163లో భాగమైన ఈ మార్గంలో ప్రస్తుతం వాహనాల రద్దీ క్రమంగా పెరుగుతోంది. హదారి వెడల్పు పరిమితంగా ఉండటం, మలుపులు, పెరుగుతున్న ట్రాఫిక్‌తో ప్రయాణ సమయం, ప్రమాదాల ముప్పు కూడా పెరుగుతోంది..  నాలుగు లేన్ల రహదారి అందుబాటులోకి వస్తే ఈ పరిస్థితిలో మార్పు వచ్చే అవకాశం ఉంది.  ప్రాజెక్టులో మోయినాబాద్‌, చేవెళ్ల బైపాస్‌లు కీలకంగా మారనున్నాయి. ట్టణాల మధ్య నుంచి వెళ్లే భారీ వాహనాలను బైపాస్‌ల మీదుగా మళ్లించేలా నిర్మాణాలు చేపడుతున్నారు. తో పట్టణాల్లో ట్రాఫిక్‌ రద్దీ తగ్గే అవకాశం ఉండటంతో పాటు.. దరాబాద్‌ నుంచి మన్నెగూడ, వికారాబాద్‌ వైపు వెళ్లే వాహనాలకు ప్రయాణం మరింత సాఫీగా మారనుంది..

ఈ హైవే నిర్మాణానికి పర్యావరణ అంశాలు కూడా పెద్ద సవాలుగా మారాయి. హదారి వెంట ఉన్న పాత మర్రిచెట్లను తొలగించే ప్రతిపాదనపై అభ్యంతరాలు రావడంతో వ్యవహారం ఎన్‌జీటీ వరకు వెళ్లింది. తో పనుల్లో జాప్యం జరిగింది. యితే ఇప్పుడు రహదారి డిజైన్‌లో మార్పులు చేసి.. సాధ్యమైనంత వరకు చెట్లను అక్కడే కాపాడేలా ప్రణాళిక రూపొందించారు. నీసం 765 మర్రిచెట్లను అదే ప్రాంతంలో సంరక్షిస్తూ.. అవసరమైన చోట సుమారు 150 లేదా అంతకంటే తక్కువ చెట్లను మాత్రమే తరలించేలా ప్రణాళిక చేసినట్లు కథనంలో పేర్కొన్నారు. అప్ప-మన్నెగూడ రహదారికి మరో ముఖ్యమైన సమస్య. ప్రమాదాలు..  పదునైన మలుపులు.. పరిమిత రహదారి వెడల్పు.. పెరుగుతున్న ట్రాఫిక్‌.. గతంలో ఈ మార్గంలో ప్రమాదాలకు కారణమయ్యాయి.  

2025లో జరిగిన ఘోర ప్రమాదం తర్వాత హైవే విస్తరణ అవసరంపై చర్చ మరింత పెరిగింది. కొత్త రహదారిలో డివైడర్లు, అండర్‌పాస్‌లు, బైపాస్‌లు, మెరుగైన జంక్షన్‌ డిజైన్‌ వంటి అంశాలు ప్రమాదాల ముప్పును తగ్గించేలా ఉండనున్నాయి. హైవే విస్తరణ ప్రభావం రవాణాతోనే ఆగిపోతుందా. లేదా పశ్చిమ హైదరాబాద్‌ శివార్ల రియల్‌ ఎస్టేట్‌పై కూడా ప్రభావం చూపుతుందా అన్నది ఆసక్తికరంగా మారింది.

మొయినాబాద్‌, చేవెళ్ల, మన్నెగూడ, వికారాబాద్‌ ప్రాంతాలకు మెరుగైన కనెక్టివిటీ వస్తే.. ప్రయాణ సమయం తగ్గే అవకాశం ఉంది. దీంతో నివాస, వాణిజ్య అభివృద్ధికి అనుకూల పరిస్థితులు ఏర్పడొచ్చు. అయితే హైవే వస్తోంది కాబట్టి ప్రతి ప్రాంతంలో భూముల ధరలు తప్పనిసరిగా పెరుగుతాయనే అంచనా మాత్రం సరికాదు. రహదారికి దూరం, అప్రోచ్‌ రోడ్లు, జోనింగ్‌, భూ వినియోగ నిబంధనలు, స్థానిక మౌలిక వసతులు కూడా కీలకమే. మొత్తంగా చూస్తే.. అప్ప జంక్షన్‌-మన్నెగూడ నాలుగు లేన్ల హైవే.. ఒక సాధారణ రోడ్డు విస్తరణ ప్రాజెక్టుగా మాత్రమే కాకుండా.. హైదరాబాద్‌ పశ్చిమ శివార్ల భవిష్యత్‌ రవాణా వ్యవస్థలో కీలక భాగంగా మారే అవకాశం ఉంది. బైపాస్‌లు.. అండర్‌పాస్‌లు.. విస్తరించిన రహదారి.. మెరుగైన కనెక్టివిటీతో.. మోయినాబాద్‌ నుంచి చేవెళ్ల.. మన్నెగూడ నుంచి వికారాబాద్‌ వరకు పశ్చిమ కారిడార్‌ ముఖచిత్రంలో మార్పులు తీసుకురానుంది.

హైదరాబాద్‌లో రియల్‌ ఎస్టేట్‌ రంగం వేగంగా విస్తరిస్తోంది.. కొత్త ప్రాజెక్టులు.. భారీ అపార్ట్‌మెంట్లు.. కమర్షియల్‌ భవనాలు.. హైరైజ్‌ నిర్మాణాలు పెరుగుతున్నాయి.. అదే సమయంలో నిర్మాణ అనుమతుల ప్రక్రియ కూడా కీలకంగా మారుతోంది.. ఆన్‌లైన్‌ విధానం.. సింగిల్‌ విండో వ్యవస్థ అందుబాటులోకి వచ్చినా.. పెద్ద ప్రాజెక్టులకు అవసరమైన వివిధ క్లియరెన్స్‌లలో జాప్యం ఇంకా ఇబ్బందిగా మారుతోందంటున్నారు బిల్డర్లు.. అనుమతుల ప్రక్రియను మరింత వేగవంతం చేసి.. అన్ని శాఖలను ఒకే సమన్వయ వ్యవస్థలోకి తీసుకు రావాలని రియల్‌ ఎస్టేట్‌ రంగం కోరుతోంది.